'रांजण' ह्या चित्रपटाचं ट्रेलर प्रेक्षकांच्या भेटीला....ट्रेलर रिव्ह्यू वाचा येथे

             सर्व आतुरतेने वाट बघत असलेल्या 'रांजण' ह्या चित्रपटाचं ट्रेलर प्रेक्षकांच्या भेटीला आलंय. ह्या चित्रपटाची चर्चा सर्वत्र होत असताना दिसून येतंय. अजय गोगावले यांच्या आवाजातील लागीर झालं रं गाणं सध्या खूप गाजतंय. ट्रेलर बघता चित्रपटातील बऱ्याच नवीन गोष्टी आपल्याला बघायला मिळतात. गौरी आणि यश ह्या लहान कलाकारांची मेहनत ट्रेलर पाहतां दिसून येते. तसेच भाऊ कदम,भारत गणेशपुरे,आणि विद्याधर जोशी हि स्टार मंडळी ह्या चित्रपटात झळकणार आहे. ह्या चित्रपटात शिवाजी महाराजांचे दर्शन देखील आपल्याला होणार आहे. चित्रपटात शिवाजी महाराजांचं जे ग्राफिक्स बनवले आहेत ज्या प्रकारे ऍनिमेशन झालं आहे ते खरंच वाखाण्याजोगं आहे.एक महत्वाची बाब म्हणजे अवधूत गुप्ते ह्यांच्या रांगड्या आवाजातून रंगलेलं लय वळवळतंय गाण्याचं हॉलिवूड च्या रिओ ह्या चित्रपटासोबत म्याशप खूप सुंदर पद्धतीने करण्यात आलं आहे.

       
             सामाजिक प्रश्नांवर भाष्य करणाऱ्या या चित्रपटात शिवाजी महाराज कोणती भूमिका साकारणार आहे हा प्रश्न कुतुहूल वाढवणारा आहे. चित्रपटाचं नाव त्याच कथानक आणि चित्रपटातील बऱ्याच गोष्टी अजूनतरी गुलदस्त्यात आहेत. हा चित्रपट म्हणजे प्रेक्षकांसाठी एक मेजवानी असेल असं बोललं तर वावघ ठरणार नाही. चित्रपटाच्या दिग्दर्शकांनी खूप नवीन नवीन प्रयोग करून हा चित्रपट प्रेक्षकांमसमोर ठेवला आहे. येत्या १७ फेब्रुवारी २०१७ ला चित्रपट प्रेक्षकांच्या भेटीस येणार आहे.
              श्री महागणपती एंटरटेन्मेंटच्या रवींद्र कैलास हरपळे यांनी ‘रांजण’ या चित्रपटाची निर्मिती केली आहे. चित्रपटाचं कथा-पटकथा लेखन व दिग्दर्शन प्रकाश जनार्दन पवार यांनी केलं आहे. तर, संवादलेखन प्रकाश पवार व नीलेश भोसले यांचं आहे.  





majja.ooo : Ankita Lokhande.

चाहत्यांकडून होतेय फुगे चित्रपटाची प्रसिद्धी..

   खूप दिवस प्रेक्षकवर्ग आतुरतेने ज्या चित्रपटाची वाट बघत होता तो धम्माल विनोदी चित्रपट "फुगे" १० फेब्रुवारीला परीक्षकांच्या भेटीस येणार आहे.पार्टी दे हे मज्जेदार गाणंही सोशल मीडियावर जोरदार गाजत आहे.सुबोध आणि स्वप्नीलच्या चाहत्यांमध्ये ह्या चित्रपटाला घेऊन प्रचंड उत्साह असून त्यांनी त्यांच्या परीने फुगेचं प्रमोशन करायला सुरुवात केली आहे. मराठीचा रोमँटिक हिरो म्हणून आपण स्वप्नीलला ओळखतो त्याच्या काही महिला फॅन्स ने फुगे नावाची मेहेंदी आपल्या हातावर काढून प्रोमोशन केलं आहे. तर एकीने १० फेब्रुवारी 'फुगे' असे नाव कोरलेली संत्री बाजारात विकायला ठेवली आहेत. स्वप्नीलची फॅन असलेल्या एका शिक्षिकेने पार्टी दे ह्या गाण्यावर डान्स बसवून तो सोशल मीडिया वर पोस्ट केला आहे. याहून कमालीची बाब म्हणजे एका तरुणाने चक्क कोल्हापूरच्या महालक्ष्मी मंदिरात जाऊन देवीचा अभिषेक केला. याआधी कोणत्याही मराठी सिनेमाची इतकी प्रसिद्धी झालेली आठवत नाही.

            तगडी स्टार कास्ट जबरदस्त गाणी हटके कथानक हे सगळं आपल्याला फुगे या चित्रपटात पाहायला मिळणार आहे शिवाय सुबोध आणि स्वप्नीलची एक वेगळीच भूमिका आपल्याला अनुभवायला मिळणार आहे.
          इंदर राज कपूर प्रस्तुत आणि  एस टीव्ही नेटवर्क्ससोबत जीसिम्सचे अर्जुनसिंग बऱ्हान, कार्तिक निशानदार तसेच अश्विन आंचन आणि अनुराधा जोशी निर्मित हा सिनेमा स्वप्ना वाघमारे जोशी यांनी दिग्दर्शित केला आहे. फॅन्सच्या इतक्या प्रतिसादानंतर हा चित्रपट नक्की सुपरहिट होईल यात काही शंका नाही. मग पाहायला विसरू नका १० फेब्रुवारीला फुगे हा चित्रपट आपल्या जवळच्या चित्रपटगृहात.




majja.ooo : Ankita Lokhande.

दिल दोस्ती दोबारा...

  ज्या मालिकेची सर्व आतुरतेने वाट बघत होते त्या मालिकेचे दुसरे पर्व लवकरच प्रेक्षकांच्या भेटीस येणार आहे. दिल दोस्ती दुनियादारी या मालिकेने लाखो प्रेक्षकांची मनं जिंकली आता पुन्हा एकदा रसिक प्रेक्षकांच्या मनावर अधिराज्य गाजवण्यासाठी हे माजघर सज्ज झालं आहे. नुकताच या मालिकेचा पहिला प्रोमो बाहेर आला आहे. प्रोमो बघता दिल दोस्ती दोबारा हि मालिका नवीन काहीतरी घेऊन येत आहे असं दिसतंय.  
                 माजघर परत एकदा येऊन त्यांच्या चाहत्यांच्या मनावर राज्य करणार आहे. या मालिकेचे दिग्दर्शक अद्वैत दादरकर आहेत.गीतकार अभिषेक कणखर हे असून समीर साप्तीस्कर शीर्षकगीताच दिग्दर्शन करणार आहे.. सुदीप मोडक आणि अंबर हडप हे ह्या मालिकेची कथा पटकथा यांची धुरा सांभाळणार आहे.

       
      दोस्तांच्या दुनियादारीचा ढंग न्यारा, येत आहे एक फ्रेश मालिका 'दिल दोस्ती दोबारा'  १८ फेब्रुवारी पासून सोम-शनि रात्री १०:३० वाजता. पाहायला विसरू नका.



majja.ooo : Ankita Lokhande.

अष्टपैलू कलाकार...अशोक सराफ

             मराठी आणि हिंदी चित्रपटसृष्टीत आपल्या अभिनयाची छाप सोडणारे मराठमोळे अभिनेते म्हणजेच आपले सर्वांचे लाडके मामा अशोक सराफ.. अशोक मामा मूळ बेळगावचे त्यांचा जन्म ४ जून १९४७ रोजी झाला. लहानपणापासूनच अभिनय आणि रंगभूमीची आवड असणाऱ्या मामांनी सन १९६० आंतर बँक एकांकिका स्पर्धेमध्ये नाटकात सहभाग घेऊन रसिकप्रेक्षकांची मन जिंकली आणि त्यांचा अभिनयाचा प्रवास सुरु झाला. त्यानंतरची ५ दशकं त्यांनी आपल्या अभिनयाने गाजवली. त्यानंतर त्यांनी शिरवाळकरांच्या ययाती आणि देवयानी या नाटकातून विदुषकाची भूमिका करून व्यावसायिक रंगभूमीवर प्रवेश केला. गजानन  जहांगीरदार यांच्या दोन्ही घरचा पाहुणा या चित्रपटात त्यांनी एक छोटी भूमिका साकारली. १९७१ पासूनचा हा प्रवास खरंच उल्लेखनीय आहे. नाटक,चित्रपट,हिंदी चित्रपट,किव्हा दूरचित्रवाणीच्या मालिका असो अशोक मामांनी प्रत्येक भूमिकेत जीव ओतून काम केलं आणि रसिकप्रेक्षकांची मनं काबीज केली. हा त्यांचा अभिनयाचा प्रवास सुरु असताना त्यांना साथ लाभली ती दिग्गज कलाकार दादा कोंडके यांची आणि याचं सहवासातून पांडू हवालदार हा सवोत्कृष्ट चित्रपट प्रेक्षकांच्या भेटीस आला. आणि याच चित्रपटाने महाराष्ट्र शासनाचा पुरस्कार अशोक सराफ यांना मिळवून दिला. १९७७ ला आलेला राम राम गंगाराम या चित्रपटाने फिल्मफेअर चा पुरस्कार अशोक मामांना बहाल केला. अबोध,फुलवारी,येस्स बॉस,जागृती असे हिंदी चित्रपट करून त्यांनी हिंदी चित्रपट सृष्टीत मराठीचा झेंडा रोवला.

विनोदी भूमिकांमध्ये मामा आपल्या सर्वानाच माहित आहे परंतु गंभीर तसेच खलनायक असलेल्या भूमिकाहि ते चोख पार पडतात. माझी माणसं आणि आत्मविश्वास या चित्रपटातील त्यांची भूमिका प्रेक्षकांच्या विशेष लक्षात राहाते. वजीर चित्रपटात राजकारणी व्यक्तिरेखा तसेच चौकटराजा मध्ये अतिशय भाबडी व्यक्तिरेखा साकारून ते प्रेक्षकांच्या पसंतीस उतरले. ८० च्या दशकात त्यांना लक्ष्मीकांत बेर्डे यांची साथ लाभली आणि या जोडीने मराठी चित्रपटसृष्टीला सोनेरी दिवस आणले. हि जोडी ज्या चित्रपटात असेल तो चित्रपट हिट होईलच यात काही शंकाच नव्हती. अशी हि बनवा बनवी,धुमधडाका,चंगू मंगू,एका पेक्षा एक,असे चित्रपट देऊन धम्माल उडवली.अशी हि बनवा बनवी ने अशोक सराफ यांना वेगळीच ओळख दिली. हिंदी मध्ये  करण अर्जुन,कोयला,जोडी नं १ यासारखे अनेक उल्लेखनीय चित्रपट केले. त्यांची नाट्यसृष्टीही बरीच गाजवली. नंतर निवेदिता सराफ यांच्यासारखी एक सच्ची जोडीदार त्यांना लाभली, निवेदिता सराफ यांनी अनेक अडचणीच्या काळात अशोक सराफ याना मोलाची साथ दिली. निवेदिता सराफ यांच्या सोबत त्यांनी निर्मिती संस्था चालू केली आणि या संस्थेच्या अंतर्गत त्यांनी अजून एका चित्रपटाची निर्मिती केली तो म्हणजे एक डाव धोबीपछाड़. हम पाच या मालिकेने ५ वर्ष रसिक प्रेक्षकांना खळखळून हसवलं. रंजना सोबत अशोक सराफ यांनी बरेच गाजलेले चित्रपट केले. गोंधळात गोंधळ आणि गुपचूप गुपचूप या चित्रपटांनी अशोक मामांना फिल्मफेअर मिळवून दिला. शब्दांचे खेळ करून संवाद फेक करणे हि मामांची खासियत आहे. २१ शतकातही त्यांनी अनेक गाजलेले चित्रपट केले आम्ही सातपुते,आयडियाची कल्पना,एकुलती एक,आंधळी कोशिंबीर, असे अनेक चित्रपट केले. अशोक मामांच्या या प्रवासात त्यांनी एकूण २२६ चित्रपट,६ नाटकं आणि १० मालिका करून रसिक प्रेक्षकांच्या मनात एक वेगळी जागा निर्माण केली.अस्खलित विनोद करून प्रेक्षकांना खळखळून हसवणाऱ्या अशोक सराफ यांना majja.ooo तर्फे हार्दिक शुभेच्छा.





majja.ooo : Ankita Lokhande.

"माणूस एक माती" चित्रपटाचा फर्स्ट लुक

  "माणूस एक माती" चित्रपटाचा फर्स्ट लुक प्रेक्षकांच्या भेटीस आला आहे. नेहमी कॉमेडी भूमिकांमधून सर्वाना हसवणारा सिद्धार्थ जाधव ह्या चित्रपटात मात्र वेगळ्या भूमिकेत दिसणार आहे. चित्रपटाचं पोस्टर बघता कथानक नक्की काय असेल ह्याचा अंदाज बांधता येत नाही. सिद्धार्थ जाधव सोबत या चित्रपटात गणेश यादव,स्वप्नील रसेकर,विलास उजवणे,रुचिता जाधव,हर्षा गुप्ते हि स्टार मंडळी झळकणार आहे. "माणूस एक माती".... कारण अजून बरंच काही करायचं आहे. या वाक्यामुळे प्रेक्षकांमध्ये चित्रपटाला घेऊन उत्साह निर्माण झाला आहे.

             शिवम सहेली परिवार प्रस्तुत शिवम एंटरटमेन्ट इंडिया लिमिटेड निर्मित "माणूस एक माती" या चित्रपटाची कथा आणि दिग्दर्शन सुरेश शंकर झाडे यांनी केलं आहे. हा जबरदस्त चित्रपट २४ मार्च पासून सर्वत्र प्रदर्शित होणार आहे.





majja.ooo : Ankita lokhande.

उमेश आणि तेजश्री एकत्र... कशासाठी..?

              सध्या एक नवीन जोडी आपल्याला बघायला भेटत आहे ती म्हणजे उमेश कामत आणि तेजश्री प्रधानची.उमेश कामतने बरेच सुपरहिट चित्रपट देऊन रसिक प्रेक्षकांच्या मनावर राज्य केलं आहे. नुकताच झालेला ती सध्या काय करते ह्या चित्रपटातून आपल्या अभिनयाची छाप सिडणारी तेजश्री सर्वांच्याच लक्षात राहते.चित्रपट असो किव्हा एखादी मालिका हे दोघे नेहमीच प्रेक्षकांच्या पसंतीस उतरले आहेत. उमेश कामत सध्या एका प्रोजेक्टसाठी वर्कशॉप घेत असून त्यांनी एक फोटो सोशल मीडिया वर टाकला होता या फोटोमध्ये तेजश्री प्रधान आणि सुश्रुत भागवत हे सुद्धा दिसून आलेत.

आता हि जोडी एकत्र कशासाठी आली आहे हे अजूनही उगढ झालेलं नाही. हि नवीन जोडी प्रेक्षकांसाठी एखादी मालिका घेऊन येतेय कि चित्रपट यासाठी थोडी वाट बघावी लागेल. आता हि जोडी प्रेक्षकांच्या पसंतीस उतरेल कि नाही हा येणारा त्यांचा प्रोजेक्टचं सांगेल.







majja.ooo : Ankita Lokhande.

तेजसच्या कॅलेंडरमधून सैनिकांना सलामी...

                  देशाच्या सीमेवर आपल्या प्राणाची पर्वा न करता जवान आपलं रक्षण करत असतात. त्यांच्यासाठी काहीतरी करावे असे प्रत्येक व्यक्तीला वाटत असते. ह्यावेळेस मराठी कलाकारांनी आपल्या जवानांना सलाम म्हणून एक कॅलेंडर फोटोशूट केलं आहे. तेजस नेरूरकर याने सैनिकांवर थिम घेऊन २०१७ साठी कॅलेंडर केलं आहे. तेजस नेरुरकर नेहमीच सेलिब्रिटींचे फोटोशूट करत असतो पण ह्यावेळेस त्याने काहीतरी हटके असे करून दाखवले आहे. आपल्या रक्षणकर्त्या सैनिकांना सलाम म्हणून काही तरी करणे आवश्यक आहे असं तेजसचं म्हणणं आहे. आणि त्याच्या ह्या कल्पनेसाठी त्याला पाठिंबा मिळाला तो मराठी कलाकारांचा . आपल्या बिझी शेड्युल मधून वेळ काढून ह्या कलाकारांनी हे शूट केलं आहे आणि विशेष बाब म्हणजे ह्यासाठी कोणत्याच प्रकारचं मानधन स्वीकारण्यात आलेलं नाही. ह्या कार्यात उमेश कामत, प्रिया बापट,उर्मिला कोठारे,आदिनाथ कोठारे,सई ताम्हणकर,सुबोध भावे, पूजा सावंत ,वैभव तत्ववादी,जितेंद्र जोशी ,श्रिया पिळगावकर,नेहा पेंडसे,सिद्धार्थ जाधव ह्यांनी हातभार लावला.

               आपलं हे एक स्वप्न पूर्ण झालं असं तेजस म्हणतो. प्रत्येक सेलिब्रिटी ला आपल्या कॅमेरा मधून टिपणाऱ्या तेजसने आपल्या सैनिकांसाठी काहीतरी करावं हि भन्नाट कल्पना शोधून काढली. या उपक्रमातून मिळणारा निधी QMTI या संस्थेद्वारे सैनिकांपर्यंत पोहोचवला जाणार आहे. नवीन वर्षाची सुरवात हि एका चांगल्या कामासाठी होतेय. त्यासाठी तेजस नेरुरकरला majja.ooo तर्फे शुभेच्छा.







majja.ooo : Ankita Lokhande. 

‘९ कोटी ५७ लाख’

              ‘९ कोटी ५७ लाख’ एवढे पैसे कशासाठी आणि कोणासाठी असा विचार तुमच्या मनात आलाच असेल तर हे नाव आहे एका मराठी नाटकाचं.

एकदमच हटके असलेलं हे नाव प्रेक्षकांचं लक्ष वेधून घेत आहे. सुप्रसिद्ध अभिनेते संजय मोने लिखित हे नाटक लवकरच प्रेक्षकांच्या भेटीस येणार आहे. नाटकाचं पोस्टर बघता ह्या नाटकाचं कथानक पैशाच्या अवतीभवती फिरत आहे असं दिसून येतं. संजय मोने हे ह्या नाटकात अभिनय देखील करणार आहे. त्यांचा स्वभाव बघता हे धम्माल विनोदी नाटक असेल यात काही शंका नाही.

ह्या नाटकात संजय मोने,आनंद इंगळे,सुलेखा तळवलकर,मंगेश साळवी,विवेक मोरे,राहुल कुलकर्णी,रेणुका बोधनकर हि स्टारकास्ट या नाटकात बघायला मिळणार आहे. या दोन अंकी धम्माल विनोदी नाटकाचा शुभारंभाचा प्रयोग शनिवारी २८ दुपारी  ३;३० शिवाजी मंदिर दादर येथे होणार आहे.
 







majja.ooo : Ankita Lokhande.

पुन्हा एकदा....'दिल दोस्ती दुनियादारी'

            झी  मराठीने प्रत्येक वेळेस रसिक प्रेक्षकांसाठी मज्जेदार अश्या मालिका आणल्या आहेत. त्यातली एक मालिका म्हणजे 'दिल दोस्ती दुनियादारी'.

 या मालिकेने खूप वेगळा विषय अगदी सहजपणे प्रेक्षकांसमोर मांडला. मुलं मुली एकत्र एका घरात राहू शकतात आणि त्यांच्या मैत्रीचं नातं इतकं घट्ट असू शकत हि कल्पना पहिल्यांदाच मराठी मध्ये आली. या मालीकेतल्या प्रत्येक पात्रांनी खरेपणाची जाणीव करून दिली. आपण हि त्यांच्या पैकीच एक आहोत असे मालिका बघून प्रत्येकाला वाटायचं. हि मालिका जो पर्यंत होती तो पर्यंत प्रेक्षकांच फक्त मनोरंजनच केलं. या मालिकेच्या समाप्तीनंतर प्रत्येकजण या मालिकेच्या दुसऱ्या पर्वाची वाट बघू लागला.

  या मालिकेतील सगळेच कलाकार नंतर कोणत्या ना कोणत्या कामात व्यस्त झाले. पण ही मंडळी आपल्याला एकत्र बघायला मिळतील कि नाही यासाठी सर्वजणचं आतुर होते आता हि आतुरता संपलेली आहे कारण 'दिल दोस्ती दुनियादारी'  या मालिकेचं दुसरं पर्व लवकरच येणार आहे अशी उडती खबर ऐकण्यात येत आहे.
                      माजघर परत एकदा येऊन त्यांच्या चाहत्यांच्या मनावर राज्य करणार आहे. या मालिकेचे दिग्दर्शक अद्वैत दादरकर असून गीतकार अभिषेक कणखर हे संवाद लिहिणार आहे. लेखक सुदीप मोडक आणि अंबर हडप हे ह्या मालिकेची कथा पटकथा यांची धुरा सांभाळणार आहे.








majja.ooo : Ankita Lokhande.

'लय वळवळतंय'... रांजण चित्रपटाचं अजून एक धमाकेदार गाणं प्रेक्षकांच्या भेटीला..

                  रांजण चित्रपटाचं 'लागीर झालं रं' ह्या गाण्याला प्रेक्षक वर्गाने प्रचंड प्रतिसाद दिला आहे ह्यात काही शंका नाही परंतु या चित्रपटातील इतर गाणी कशी असतील याची सर्वानाच उत्सुकता होती आणि ती उत्सुकता आता थोडी संपली आहे असं म्हणता येईल कारण या चित्रपटाचं एक नवीन गाणं प्रेक्षकांच्या भेटीला आलं आहे. 'लय वळवळतंय'असं ह्या गाण्याचं नाव आहे. हे गाणं अवधूत गुप्ते ह्यांच्या रांगड्या आवाजात सजलं आहे.गावरान भाषेत संगीतबद्ध झालेलं हे गाणं अवधूत गुप्ते ह्यांच्या आवाजाने अजूनच खुलून आलंय. पहिल्या वहिल्या प्रेमात पडल्यावर काय काय होत हे ह्या गाण्यात अगदी मज्जेदार पण सांगितलं गेलं आहे. संगीत नरेंद्र भिडे यांचं असून गीतकार वैभव जोशी आहेत

                  'लागीर झालं रं' आणि 'लय वळवळतंय' हि गाणी प्रेक्षकांच्या पसंतीस उतरत आहे असं बोललं तर वावघ ठरणार नाही. आता चित्रपटाची इतर गाणी कधी येतील यासाठी प्रेक्षक वर्ग उत्सुक आहे. इतर गाणीही इतकीच सुपरहिट ठरतील आणि प्रेक्षकांच्या पसंतीस उतरून रांजण हा २०१७ चा सुपर हिट चित्रपट ठरेल अशी आशा व्यक्त करायला काही हरकत नाही. 

                श्री महागणपती एंटरटेन्मेंटच्या रवींद्र कैलास हरपळे यांनी ‘रांजण’ या चित्रपटाची निर्मिती केली आहे. चित्रपटाचं कथा-पटकथा लेखन व दिग्दर्शन प्रकाश जनार्दन पवार यांनी केलं आहे. तर, संवादलेखन प्रकाश पवार व नीलेश भोसले यांचं आहे.

majja.ooo : Ankita Lokhande.

प्रतिभावंत अभिनेत्री.... स्मिता पाटील

                  चित्रपट,दूरचित्रवाणी किव्हा नाटक या सर्व क्षेत्रात आपला ठसा उमटवणारी अभिनेत्री म्हणजे स्मिता पाटील. स्मिता पाटील यांचा जन्म १७ ऑक्टोबर १९५५ रोजी पुणे येथे झाला. वडील शिवाजीराव पाटील मंत्री आणि आई विद्याताई पाटील समाजसेविका ह्या अश्या घराण्यात स्मिता पाटील यांचा जन्म झाला. त्यांच्या शालेय शिक्षणानंतर त्यांनी अभिनयासाठी भारतीय फिल्म आणि टेलिव्हिजन संस्थान मध्ये प्रवेश घेतला. स्मिता पाटील यांचा पहिल्यांदा संबंध आला तो दूरदर्शन वाहिनी वरील वृत्तनिवेदिका म्हणून. स्मिता पाटील यांचा चेहरा खूपच फोटोजेनिक होता त्यामुळे त्यांच्यावर नजर पडली ती दूरदर्शन वाहिनीचे मुख्य श्री. कृष्ण मूर्ती यांची आणि स्मिता पाटील यांची  हिंदी वृत्तनिवेदिका म्हणून वर्णी लागली.नंतर दिग्दर्शक श्याम बेनेगर ह्यांनी स्मिता पाटील ला त्यांच्या चित्रपटात काम करायची संधी दिली आणि १९७० च्या दशकात स्मिता ह्यांच्या कारकिर्दीची उड्डाण घेतली. चरणदास चोर,निशांत ह्या सारख्या चित्रपटातुन त्यांनी छोट्यामोठ्या भूमिका केल्या नंतर त्यांना मुख्य नाटिका म्हणून  चित्रपटात काम करायची संधी मिळाली. मंथन या चित्रपटात साकारलेली तिची भूमिका प्रेक्षकांच्या पसंतीस उतरली आणि अखेर स्मिता पाटील ह्या स्पॉटलाईट मध्ये आल्या. भारतीय अभिनेत्री हौसा वाडकर ह्यांच्या कल्पित आत्मचरित्रावर आधारित भूमिकेने स्मिता पाटील ह्यांना राष्ट्रीय पुरस्कार मिळवून दिला आणि तो चित्रपट होता १९७७ चा भूमिका हा चित्रपट. स्मिता पाटील ह्यांनी त्यांच्या अभिनयाच्या या प्रवासात बऱ्याच वेगवेगळ्या भूमिका साकारल्या. सद्गती,चिदंबरम ह्या सारख्या चित्रपटातील भूमिकेने त्यांच्या अभिनयाला एक उंची मिळवून दिली.

प्रत्येक भूमिकेमध्ये त्या स्वतःला समर्पित करायच्या प्रत्येक भूमिकेमध्ये स्वतःला वाहून घेण्याची त्यांची क्षमता त्यांना नैसर्गिकच होती. त्यांनी मराठी नव्हे तर बंगाली आणि गुजराती ह्या भाषेच्या चित्रपटातून देखील काम केलं. त्यांची प्रत्येक भूमिका हि लक्षात ठेवण्यासारखी होती. जब्बार पटेल ह्यांच्या जैत रे जैत या चित्रपटासाठी त्यांना सर्वोत्कृष्ट नायिका का पुरस्कार देऊन सन्मानित करण्यात आलं असून ह्या चित्रपटाची गाणीही खूप लोकप्रिय झाली. समाजाबद्दल काहीतरी करून दाखवायची जिद्द ती तळमळ असणारी भूमिका त्यांनी उंबरठा ह्या चित्रपटात खूब गाजवली. त्यांच्या अभिनयाची ताकद हेच त्यांच्या अभिनयाची ओळख बनली. अक्लेर संधानी ह्यांच्या बंगाली चित्रपटातील त्यांची भूमिका आणि अभिनय कमालीचा ठरला. केतन मेहता दिग्दर्शित भवानी भवाई ह्या गुजराती चित्रपटासाठी देखील त्यांची नेमणूक झाली. चक्र या भूमिकेच्या वेळेत भूमिकेला वाव देण्यासाठी स्मिता पाटील ह्यांनी मुंबईमधील सर्व झोपडपट्टी वस्तीना भेट दिली आणि तिथलं निरीक्षण आपल्या अभिनयातून व्यक्त केलं आणि परिणाम असा झाला कि पुन्हा एकदा राष्ट्रीय पदकावर त्यांनी आपली मोहोर उमटवली. १९८० च्या काळात प्रत्येक निर्माता दिग्दर्शन त्यांना आपल्या चित्रपटात घेऊ पाहत होता. अमिताभ सोबतच्या नामक हलाल मधील आज लपट जाये तो ह्या गाण्यामध्ये त्यांचा वेगळा अंदाज पाहायला भेटला. रमेश सिप्पी दिग्दर्शित ह्यांच्या शक्ती ह्या चित्रपटात त्यांनी अमिताभ सोबत काम केलं. राजेश खन्ना ह्यांच्या आखिर क्यू,अमृत,नजराणा हे चित्रपट देखील त्यांच्या वाटेला आले. अर्ध सत्य,आज कि आवाज,गुलामी ह्यांसारख्या चित्रपटात त्यांनी साहायक नायिका म्हणून भूमिका साकारली. मंडी आणि सुबह यांसारख्या वास्तववादी चित्रपटात देखील तिने काम केलं. प्रत्येक कलाकाराच्या आयुष्यात चढ उतार येत असतात आणि प्रेम कलाकार त्यांना सामोरे जातो असच काहीतरी झालं स्मिता पाटील ह्यांच्या आयुष्यात. त्यांनी विवाहित असलेल्या राज बब्बर ह्यांच्याशी लग्न केलं तरीही त्या केतन मेहता ह्यांच्या मिर्च मसाला ह्या चित्रपटात झळकल्या पण तो चित्रपट प्रदर्शित होण्याआधीच स्मिता पाटील ह्यांना हे जग सोडावं लागलं. १३ डिसेंबर १९८६ ला अकाली मृत्यू झाला.त्यांची चित्रपटाची कारकीर्द हि कमी काळाची ठरली. त्यांनी त्यांच्या आयुष्यात एकूण ८० चित्रपट केले. १९८५ साली त्यांना पद्मश्री पुरस्काराने देखील नावाजण्यात आलं. चाहत्यांच्या हृदयावर राज्य करणाऱ्या चैतन्यशाली व्यक्तिमत्वाला  majja.ooo कडून मानाचा मुजरा.





majja.ooo : Ankita Lokhande.

प्रियांका चोप्राचा नवीन मराठी चित्रपट...

             २०१६ च्या व्हेंटिलेटर या हिट चित्रपटानंतर प्रियांका चोप्रा २०१७ मध्ये अजून एक धमाकेदार चित्रपट घेऊन येत आहे. ह्या चित्रपटाचं नाव आहे "काय रे रास्कला "... चित्रपटाचं नाव बघता या चित्रपटाला साऊथ चा टच असेल का असा अंदाज बांधता येतो. नुकताच या चित्रपटाचा मुहूर्त पार पडला. बॉलीवूड,हॉलिवूड आणि आता मराठी मधला दुसरा चित्रपट प्रियांका तिच्या चाहत्यांसाठी घेऊन येत आहे. चित्रपटाचं नाव बघता कथानक काय असेल याचे कुतुहूल वाढते.

                     बाप आणि मुलाच्या नात्याला हळुवार स्पर्श करणारा व्हेंटिलेटर हा चित्रपट बराच गाजला त्यालाच लक्षात घेऊन आता प्रियांका दुसरा चित्रपटाची निर्मिती करत आहे. पर्पल पेबेल पिक्चर्स प्रस्तुत "काय रे रास्कला" ह्या चित्रपटाचे दिग्दर्शक गिरिधरण स्वामी हे असून गौरव घाटणेकर आणि अजून बहुचर्चित स्टार मंडळी या चित्रपटात झळकणार आहे.प्रियांकाच्या या नवीन प्रयोगसाठी शुभेच्छा.






majja.ooo : Ankita Lokhande.

रांजण चित्रपट प्रदर्शनासाठी सज्ज...

                 ज्या चित्रपटाची प्रेक्षक वर्ग आतुरतेने वाट बघत आहे  तो रांजण चित्रपट आता प्रदर्शनासाठी सज्ज झाला आहे. येत्या १७ फेब्रुवारी २०१७ ला चित्रपट प्रेक्षकांच्या भेटीस येणार आहे. अजय गोगावलेच्या आवाजाने रंगलेलं लागीर झालं रं गाणं सोशल मीडियावर प्रचंड उत्साहात गाजतंय. मराठीमध्ये प्रेम,मैत्री,समाज या विषयांवर नेहमीच चित्रपट येतात परंतु रांजण हा चित्रपट या तिन्ही घटकांनी परिपूर्ण आहे असं म्हणायला काही हरकत नाही. चित्रपटामध्ये दिसणारी यश आणि गौरी यांची फ्रेश जोडी देखील प्रेक्षकांना पाहायला मिळणार आहे.  

                 हा चित्रपट सामाजिक प्रश्नांवर भाष्य करणारा असणार आहे. लहान वयातील प्रेम आणि ह्याच प्रेमातून सामाजिक संदेश या चित्रपटात देण्यात आला आहे. चित्रपटाचं कथानक कुतुहूल वाढवणारं आहे.चित्रपटाचं दिग्दर्शन हे अतिशय उत्तम पद्धतीने सादर करण्यात आलं आहे. लहान कलाकारांचा अभिनय नक्कीच प्रेक्षकांच्या पसंतीस उतरेल यात काही शंका नाही. चित्रपटाची इतर गाणी अजूनतरी गुलदस्त्यात आहेत हि इतर गाणीही तितकीच जबरदस्त असतील आणि रांजण चित्रपटाचा स्थर अजून उंचावेल अशी आशा.
                . श्री महागणपती एंटरटेन्मेंटच्या रवींद्र कैलास हरपळे यांनी ‘रांजण’ या चित्रपटाची निर्मिती केली आहे. चित्रपटाचं कथा-पटकथा लेखन व दिग्दर्शन प्रकाश जनार्दन पवार यांनी केलं आहे. तर, संवादलेखन प्रकाश पवार व नीलेश भोसले यांचं आहे.






majja.ooo : Ankita Lokhande.

प्रियदर्शन जाधव आणि सोनाली कुलकर्णी एकत्र...

                     सध्या मराठी मध्ये प्रत्येकवेळी नविन विषय घेऊन चित्रपट निर्माण करता येतात. नवीन विषय नवीन जोडी असं काही असलं कि चित्रपटाला हमखास प्रेक्षकांचा प्रतिसाद भेटतो. आता असाच एक चित्रपट घेऊन दिग्दर्शक प्रकाश कुंटे प्रेक्षकांच्या भेटीला येणार आहे. & जरा हटके,कॉफी आणि बरंच काही ह्या चित्रपटांमध्ये वेगळे विषय दिग्दर्शक प्रकाश कुंटे यांनी सहज मांडले आहेत. आता या नवीन चित्रपटात कोणता नवीन विषय आहे याकडे सर्वांचं लक्ष आहे. या चित्रपटाची जोडी देखील एकदम फ्रेश आणि नवीन असणार आहे. प्रियदर्शन जाधव आणि नटरंग फेम सोनाली कुलकर्णी या चित्रपटात झळकणार आहे.

तसेच छोट्या पडद्यावरील सर्वांची लाडकी जोडी ललित प्रभाकर आणि प्राजक्ता माळी देखील दिसणार आहे. सोनाली आणि प्रियदर्शन जाधव हि जोडी प्रथमच प्रेक्षकांच्या भेटीस येत आहे. अजून एक विशेष बाब म्हणजे या चित्रपटाचं शूटिंग कर्नाटक येथील हंपी येते करण्यात आले आहे. नवीन लोकेशन नवीन जोडी नवीन विषय हे सर्व एकाच चित्रपटात आपल्याला बघायला भेटणार आहे.रोमँटिक कॉमेडी असणाऱ्या ह्या चित्रपटाचं नाव देखील गुलदस्त्यात आहे. चित्रपटाच्या अधिक माहितीसाठी आपल्याला थोडी वाट पाहावी लागेल.  




majja.ooo : Ankita Lokhande.

पुष्कर श्रोत्री वळणार आता दिग्दर्शनाकडे....

                   मराठी चित्रपटसृष्टीमध्ये बहुरूपी अभिनेता म्हणून ओळखला जाणारा कलाकार म्हणजे पुष्कर श्रोत्री. त्यांचा अभिनय आपण बऱ्याच चित्रपटांमधून बघत आलो आहोत. मराठीमध्ये तर त्यांनी अभिनयाचे कौशल्य दाखवलेच आहे त्यासोबत हिंदी मध्येही त्यांनी त्यांच्या अभिनयाची छाप सोडली आहे.  त्यांच्या हजरजबाबी पणा आणि विनोदाच्या परफेक्ट टायमिंग साठी ते ओळखले जातात. आपल्याला ते अभिनेता म्हणून तर परिचित आहेतच परंतु आता त्यांनी दिग्दर्शनाचा विडा  उचलला आहे. त्यांचा पहिला दिग्दर्शित केलेला चित्रपट 'उबंटू' लवकरच प्रेक्षकांच्या भेटीला येणार आहे.

ह्या चित्रपटाचं नाव जरा हटके असून ह्याच कथानक नक्की काय असेल हे सध्यातरी गुलदस्त्यात आहे. चित्रपटाचा पोस्टर बघता लहानमुलांच्या शालेय आयुष्यावर भाष्य करणारा हा चित्रपट असेल अशी आशा व्यक्त करता येते. ह्या चित्रपटाचं लेखन,दिग्दर्शन आणि निर्मिती पुष्कर श्रोत्री याने केली आहे.

 १४ जानेवारी ला हा चित्रपट सांगली इंटरनॅशनल फिल्म फेस्टिवलला प्रदर्शित करण्यात आला त्यानंतर १५ जानेवारीला पुणे इंटरनॅशनल फिल्म फेस्टिवलला प्रदर्शित करण्यात आला होता... ह्या चित्रपटाच्या अधिक माहितीसाठी आपल्याला अजून थोडी वाट बघावी लागेल.




majja.ooo : Ankita Lokhande.

'मांजा' चित्रपटाचं टिझर पोस्टर प्रेक्षकांच्या भेटीला...

‘मांजा’ हा आगळावेगळा चित्रपट प्रेक्षकांच्या प्रेक्षकांच्या भेटीस येत आहे. चित्रपटाचं नाव जरा वेगळं असल्यामुळे प्रेक्षकांचं लक्ष याकडे वेधलं जात आहे. नुकतंच रिलीझ झालेल्या टिझर पोस्टरमुळे प्रेक्षकांचा प्रचंड प्रतिसाद ह्या चित्रपटाला मिळत आहे. अश्विनी भावे ह्या  चित्रपटात प्रमुख भूमिकेत दिसणार आहे. त्यामुळे त्यांच्या चाहत्यांसाठी एक वेगळा मराठी चित्रपट त्या लवकरच घेऊन येत आहे.
                   हा सिनेमा २१ एप्रिलला संपूर्ण महाराष्ट्रात प्रदर्शित होणार आहे. नवीन वर्षाची सुरवात अश्विनी भावेंच्या मांजा या  चित्रपटाने खूप जोरदार होणार आहे.

'इंडिया स्टोरीज' निर्मित मांजा या चित्रपटाची निर्मिती त्रिलोक मल्होत्रा आणि के. आर. हरीश या निर्मात्यांनी केली आहे.‘मांजा’ चित्रपटाची कथा, पटकथा, आणि दिग्दर्शन हे जतिन वागळे यांनी केलं आहे. अश्विनी भावे सोबत या चित्रपटात रोहित फाळके आणि सुमेध मुद्गलकर झळकणार आहे.
                  चित्रपटाची बरीच माहिती सध्या गुलदस्त्यात आहे.




majja.ooo : Ankita Lokhande.

एक अष्टपैलू अभिनेता...सचिन पिळगावकर

                     सचिन पिळगावकर एक असा अभिनेता ज्याने मराठी चित्रपटसृष्टीचा मान त्यांच्या अभिनयाच्या जोरावर आणखी उंचावला.  सचिन पिळगावकर यांचा जन्म १७ ऑगस्ट १९५७ ला मुंबई मध्येच झाला. आपल्या आयुष्यातील ५० वर्ष त्यांनी चित्रपटसृष्टीला अर्पण केली.  मराठी चित्रपटसृष्टीला सोनेरी दिवस आणणारा असा कलाकार आहे ज्यांनी मराठी आणि हिंदी चित्रपटांना चांगले दिवस आणले. अवघ्या ४ वर्षापासून सचिन अभिनय करत आहे ४ वर्षाच्या वयात त्याने १९६२ साली हा माझा मार्ग एकला ह्या चित्रपटात त्याने बालकलाकार म्हणून काम केलं. ह्या चित्रपटातील अभिनयाने चित्रपटातील त्याच्या ह्या प्रवासाला उंची गाठून दिली. ह्या भूमिकेसाठी सचिनला राष्ट्रीय पुरस्कार मिळवून दिला. त्यानंतर १९६७ चा सचिनचा पहिला चित्रपट म्हणजे मंजली दीदी हा होता. ह्या चित्रपटामध्ये धर्मेंद्र आणि मीनाकुमारी ह्यांची प्रमुख भूमिका होती. ऋषिकेश जोशीने दिलेल्या संधीच सचिनने सोनं केलं आणि सचिनचं नशीब त्याच्या अभिनयासारखं उजळू लागलं. ज्येष्ठ अभिनेत्री मीना कुमारी ह्यांच्या सहवासात सचिन हिंदी आणि उर्दू शिकले. सचिन पिळगावकर यांनी जवळपास ६५ चित्रपटांमध्ये बालकलाकार म्हणून काम केलं. देवानंद च्या ज्वेल थेफ,प्रेम पुजारी या चित्रपटात तसेच संजीव कपूरच्या चंदा और बिजली फिरोज खान यांच्या मेला आणि शम्मी कपूरच्या ब्रह्मचारी या चित्रपटात सचिन पिळगावकर झळकले.
                 श्री कृष्णा लीला या चित्रपटातील कृष्णाची त्यांची भूमिका  विशेष लक्षात राहते. राजश्री प्रोडक्शन च्या गीत गाता चल ह्या चित्रपटाने बॉलीवूड ला एक नवीन चेहरा दिला. प्रमुख नायक म्हणून सचिन सर्व चित्रपटात गाजत होता. मराठी आणि हिंदी भाषेवर त्याच प्रभुत्व तर होतच त्या सोबत त्यांनी भिजपुरी भाषेचा हि अभ्यास केला. तसेच सचिन ने सहाय्यक अभिनेता म्हणून देखील बऱ्याच चित्रपटात काम केलं. १९७५ च्या  शोले या गाजलेल्या चित्रपटासाठी सचिन ने अहमद ची छोटी तरीही महत्वपूर्ण भूमिका केली. अवतार,सूर सरगम,सत्ते पे सत्ता,जुदाई,राम तेरे कितने नाम असे अनेक चित्रपट सचिन ने केले.

                मराठी मध्ये सचिन ने अष्टविनायक हा चित्रपट केला. आणि तो बराच गाजला. मायबाप हा त्याचा मराठी मध्ये दिग्दर्शन केलेला पहिलाच चित्रपट होता. १९८४ साली आणखी एक सिनेमा आला तो म्हणजे नवरी मिळे नवऱ्याला. ह्या चित्रपटामुळे सुप्रिया सचिन ची एक जोडी प्रेक्षकांना भेटली.आणि हि जोडी अवघ्या काही दिवसातच लोकप्रिय झाली. हि जोडी १९८५ मध्ये विवाहबंधनात अडकली. आणि ह्या जोडीने मराठी प्रेक्षकांना अनेक गाजलेले चित्रपट दिले. माझा पती करोडपती,नवरा माझा नवसाचा,आम्ही सातपुते असे अनेक चित्रपट करून सचिन पिळगावकर ने रसिकांच्या मनावर अधिराज्य गाजवले. १९८८ मध्ये आलेला अशी हि बनवाबनवी हा चित्रपट जबरदस्त गाजला. ह्या चित्रपटाने मराठी चित्रपट सृष्टीला विनोदी तसेच कलाकारांनी परिपूर्ण असा एक सिनेमा दिला. सचिन पिळगावकर हे अभिनेता गायक पटकथाकार दिग्दर्शक निर्माता अश्या अनेक भूमिकांमधून नावारूपाला आले. त्यांनी त्यांच्या बऱ्याच चित्रपटांसाठी पार्शवगायन केले. तसेच छोट्या पडद्यावरील मालिकेसाठी देखील पार्शवगायन केले. तसेच दिग्दर्शक म्हणून त्यांची तू तू मैं मैं हि मालिका बरेच वर्ष गाजली. चलती का नाम अंताक्षरी या मालिकेचे त्यांनी सूत्रसंचालन केले. एका पेक्षा एक या डान्सिंग रिऍलिटी शो ची निर्मिती करून महागुरू नावारूपाला आले. आपल्या अभिनयाची ५० वर्ष पूर्ण झाल्यावर त्यांनी ऑटोबाओग्राफी लिहिली. हाच माझा मार्ग.
                 आत्मविश्वासाच्या  जोरावर हिंदी आणि मराठी चित्रपटसृष्टी गाजवली त्या अष्टपैलू कलाकाराला majja.ooo तर्फे पुढील वाटचाली साठी शुभेच्छा.





majja.ooo : Ankita Lokhande.

'लागीर झालं रं'...संपूर्ण गाणं प्रेक्षकांच्या भेटीला

                      रांजण ह्या चित्रपटातील अजय गोगावलेच्या आवाजाने रंगलेलं 'लागीर झालं रं' हे गाणं सध्या सोशल मीडियावर भरपूर गाजतंय. प्रेक्षकांची आतुरता आता संपली असून 'लागीर झालं रं' हे पूर्ण गाणं प्रेक्षकांच्या भेटीस आलं आहे. चित्रपटाचं नाव तसं हटके आहे त्यामुळे या चित्रपटासाठी सगळेच फार उत्सुक आहे.
                       पूर्ण गाणं बघता ह्या चित्रपटाचं नक्की कथानक काय असेल हा प्रश्न पडतो.एका बाजूला चार मित्र,त्यांची धम्माल आणि दुसऱ्या बाजूला एक लहानवयातील प्रेम सर्वच अगदी नवीन आणि जरा वेगळं पाहायला भेटतं आहे. नक्की चित्रपटाचं कथानक मैत्रीवर आहे कि प्रेमावर हा प्रश्न विचार करायला भाग पाडतो. नेमके लोकेशन घेऊन दिग्दर्शकाने गाणं शूट केलं आहे. हे लोकेशन अगदी प्रसन्न आणि खरे वाटतात.

                        महागणपती एंटरटेनमेंट प्रस्तुत रवींद्र कैलास हरपळे निर्मित प्रकाश जनार्धन पवार लिखित आणि दिग्दर्शित 'रांजण' या चित्रपटाची इतर गाणी सध्या गुलदस्त्यात आहेत आणि इतर गाणी  'लागीर झालं रं' गाण्यासारखी हिट असतील आणि प्रेक्षकांच्या पसंतीस नक्की उतरतील.








majja.ooo : Ankita Lokhande.

मराठी चित्रपट हिरो मधील नवीन हिंदी मराठी फ्युजन सॉन्ग..

               मराठी मध्ये अश्या मोजक्याच अभिनेत्री आहेत ज्या अभिनयासोबत उत्तम डान्स करतात त्यापैकी एक अभिनेत्री म्हणजे दीपाली सैयद. हिरो हा नवीन मराठी चित्रपट लवकरच प्रेक्षकांच्या भेटीस येणार आहे. ह्या चित्रपटातील एका हिंदी मराठी फ्युजन सॉन्ग साठी दिपाली सैयद आणि शास्त्रीय नृत्यांगना सुखदा खांडकेकर हि जोडी एकत्र थिरकणार आहे.
                          धिनक धिन आग लगा दु में.. ग बाई माझा तोरा नखरेल असे ह्या गाण्याचे बोल असून सर्वांच्या आवडत्या गोड गळ्याच्या गायिका आशा भोसले आणि साधना सरगम ह्यांच्या आवाजातून हे गाणं सजलं आहे. हे फ्युजन गाणं अस्लम सयानी आणि कौस्तुभ पंत यांनी लिहिले असून राजा अली यांनी संगीतबद्ध केले आहे. सुप्रसिद्ध नृत्यांगना फुलवा खामकर यांनी ह्या गाण्याची कोरिओग्राफी केली आहे. हिरो चित्रपटासाठीचं हे गाणं  असेल आणि  पसंतीस उतरेल.

                           हिरो चित्रपटाची स्टार स्टार कास्ट देखील जबरदस्त आहे. रमेश देव, विजय पाटकर, उदय टिकेकर, सुखद खांडकेकर, भूषण पाटील,वैष्णवी करमरकर हे स्टार ह्या चित्रपटात पाहायला मिळणार आहे.
                            R.P.G प्रोडक्शन प्रस्तुत राजश्री गायकवाड निर्मित अनिस मोरब सह-निर्मित हिरो हा चित्रपट N.N. Siddhiqui  ह्यांनी दिग्दर्शित केला आहे.




majja.ooo : Ankita Lokhande.

अखेर 'फुगे' प्रदर्शनासाठी सज्ज.....

                     नवीन कोरा मराठी चित्रपट फुगे सध्या सोशल मीडिया बराच गाजत आहे.ज्या चित्रपटाची सर्व आतुरतेने वाट पाहत होते तो चित्रपट फुगे आता प्रदर्शनाला सज्ज झालाय. चित्रपटातील बरीच गाणी प्रेक्षकांमध्ये लोकप्रिय झाली आहेत. पार्टी दे गाण्याने तर लोकांना वेड लावून सोडलं आहे. येत्या १० फेब्रुवारी २०१७ मध्ये हा चित्रपट प्रेक्षकांच्या भेटीस येत आहे. सुप्रसिद्ध अभिनेते स्वप्नील जोशी तसेच सुबोध भावे यांची जोडी प्रथमच आपल्याला पाहायला मिळणार आहे त्यासोबतच प्रार्थना बेहरे आणि निथा शेट्टी देखील झळकणार आहे.

                  या चित्रपटाचे अजून एक वैशिट्य म्हणजे सुबोध भावे यांचा मुलगा मल्हार या चित्रपटात सुबोधच्या लहानपणीची भूमिका स्वीकारताना दिसणार आहे. मराठी चित्रपटसृष्टीत पहिल्यांदाच असं काहीतरी घडतंय जिथे बाप लेकाची जोडी रुपेरी पडद्यावर झळकणार आहे. फुगे या ह्या चित्रपटाचं दिग्दर्शन स्वप्ना वाघमारे जोशी यांनी केलं आहे.तसेच ह्या चित्रपटाचे निर्माते अश्विन अंचंन असून सह निर्माते अनुराधा जोशी,अर्जुन सिंग बरन आणि कार्तिक निशानदार आहेत.

                   सर्वांमध्ये उत्सुकता वाढवणारा हा चित्रपट १० फेब्रुवारी २०१७ ला रिलीज होत आहे.








majja.ooo : Ankita Lokhande.

ध्यानीमनी साठी हिंदी कलाकारांच्या शुभेच्छा...

                    हिंदी चित्रपटसृष्टीमधील कलाकार सध्या मराठी चित्रपटात विशेष रस घेत आहेत. काही चित्रपटांमुळे मराठी चित्रपटसृष्टीला चांगले दिवस आलेत चंद्रकांत कुलकर्णी दिग्दर्शित 'ध्यानीमनी ' या चित्रपटासाठी हिंदी चित्रपटसृष्टीतले बिग बी अमिताभ बच्चन आणि सलमान खान यांनी शुभेच्छा दिल्या असून फेसबुक आणि ट्विटर द्वारे ह्या चित्रपटाचं कौतुक केलं आहे.दिग्दर्शक म्हणून आपण महेश मांजरेकर यांचे चित्रपट पाहतो पण ते जेव्हा अभिनेता म्हणून पडद्यावर येतात तेव्हा त्यांच्या अभिनयाच्या कौशल्याने ते चित्रपटाचा स्थर आणखी उंचावतात.
                           या चित्रपटाचं ट्रेलर नुकतंच रिलीज झालंय .. ट्रेलर बघता या चित्रपटाचं कथानक काहीस वेगळं आहे. काही संवाद कोड्यात पडायला लावतात कथानक काय असेल किंव्हा हि गोष्ट पुढे कशी वाढेल याची उत्सुकता हे ट्रेलर बघून वाढते.सध्या ह्या ट्रेलरची संपूर्ण महाराष्ट्रात चर्चा आहे. ग्रेट मराठा एंटरटेनमेंट प्रस्तुत ध्यानीमनी या चित्रपटाचं दिग्दर्शन चंद्रकांत कुलकर्णी ह्यांनी केलं असून ह्या चित्रपटाचे निर्माते अनिरूद्ध देशपांडे, मेधा मांजरेकर असून लेखक प्रशांत दळवी आहेत. ह्या चित्रपटाची स्टार कास्ट देखील तगडी आहे...महेश मांजरेकर, अश्विनी भावे, अभिजीत खांडकेकर, मृण्मयी देशपांडे हि स्टार मंडळी या चित्रपटात झळकणार आहे.

                             २०१७ ची दमदार सुरवात करून 'ध्यानीमनी' हा चित्रपट प्रेक्षकांच्या पसंतीस उतरेल असं बोलायला हरकत नाही. १० फेब्रुवारी २०१७ रोजी हा चित्रपट सर्वत्र प्रदर्शित होणार आहे.





majja.ooo : Ankita Lokhande.

एक नवीन वेब सिरीज......‘योलो’

        मराठीमध्ये आता अजून एक प्रकार सगळीकडे पसरत आहे तो म्हणजे वेब सिरीझचा. बऱ्याच वेब सिरीज मराठी मध्ये चालू आहेत आणि प्रेक्षकांच्या पसंतीस देखील उतरत आहेत. बन मस्का फेम शिवानी–शिवराज हे एका नवीन वेब सिरीज मध्ये पाहायला मिळणार आहेत.  बन मस्का ह्या मालिकेमध्ये ह्या दोघांची केमिस्ट्री खूप छान दाखवली गेली आहे आता वेब सिरीज मध्ये देखील काही बोल्ड सिन देऊन ह्या दोघांनी प्रेक्षकांचं विशेष लक्ष वेधून घेतलं आहे.

‘योलो’ असं या वेब सिरीजचं नाव असणार आहे. सोशल मीडियावर सध्या हा विडिओ गाजत आहे.
               विशेष म्हणजे साई ताम्हणकर हि देखील ह्या वेब सिरीज मध्ये पोलिसाच्या भूमिकेत दिसणार आहे. ऋतुराज शिंदे, आनंद इंगळे तसेच अजून ओळखीचे कलाकार आपल्याला पाहायला मिळणार आहे.

‘योलो’ हि वेब सिरीज ११ जानेवारीपासून चालू होत असून दर बुधवारी प्रेक्षकांना ही वेब मालिका पाहायला मिळणार आहे. आता प्रेक्षक हि मालिका कशी स्वीकारत आहेत यासाठी वाट पाहावी लागेल.






majja.ooo : Ankita Lokhande.

न झालेला बोभाटा...

                    अनुप जगदाळे दिग्दर्शित साईनाथ राजाध्यक्ष निर्मित 'झाला बोभाटा 'हा चित्रपट शुक्रवारी प्रेक्षकांच्या भेटीस आला. चित्रपटाचा इतका बोभाटा होत होता कि या चित्रपटात नक्की काय आहे ह्याचं सर्वांनाच कुतुहूल होतं . पण या चित्रपटात नवीन असं काहीच नाही सरळ साधं कथानक आणि तेच तेच सवांद यापलीकडे चित्रपटात नवीन असं काहीच नाही. चित्रपटाच्या ट्रेलर मध्ये जो गोंधळ बघायला मिळतो तोच गोंधळ आपल्याला या चित्रपटात दिसतो. तसेच मयुरेश पेम आणि मोनालिसा बागुल यांची गरज नसतानाही लव्हस्टोरी दाखवली गेली आहे.

दिलीप प्रभावळकर सारख्या दिग्गज अभिनेत्यासाठी करण्यासारखे असे काहीच नव्हते. चित्रपटाची गाणीही यथातथा वाटतात. बॉलीवूड अभिनेत्री रीना अग्रवाल हिच्या ग्लॅमरस लुकचा काही वापर करता आला नाही. चित्रपट पाहून असे कळते की चित्रपटाने हवा तसा बोभाटा केला नाही .




majja.ooo : Ankita Lokhande.

'ती सध्या काय करते'

                       'ती सध्या काय करते' ह्या चित्रपटाचा गेला एक महिना खूप गाजावाजा होता अखेर हा चित्रपट प्रेक्षकांच्या भेटीस आला. प्रत्येकाच्या मनात कुठेतरी लपून बसलेल्या ह्या प्रश्नाचं उत्तर सतीश राजवाडे यांनी त्यांच्या पद्धतीने चित्रपटात मांडलं आहे. सतीश राजवाडे यांच्या 'ती सध्या काय करते' ह्या चित्रपटामुळे मराठी चित्रपट सृष्टीला एक नवीन रोमँटिक असा सिनेमा मिळाला असं बोलायला हरकत नाही. गोष्ट आहे अन्या आणि तन्वीच्या प्रेमाची. लहानपणापासून एकमेकांसोबत असलेले हे दोघे हळू हळू एकमेकांच्या प्रेमात पडतात आणि गोष्टीला सुरुवात होते. भूतकाळ आणि वर्तमानकाळ हे योग्य पद्धतीने चित्रपटात दाखवण्यात आले आहे. चित्रपटात कुठेही गोंधळ उडत नाही अंकुश चौधरीने दिलेल्या आवाजामुळे चित्रपट बघण्यात विशेष गम्मत वाटते.

                  तेजश्री प्रधान ने नेहमी प्रमाणे आपली भूमिका चोख बजावली आहे परंतु अंकुशची आणि तेजश्रीची जोडी विशेष लक्ष वेधून घेत नाही. अंकुशचा अभिनय उत्तम आहे. नवीन जोडी म्हणजेच अभिनय बेर्डे आणि आर्या आंबेकर यांनी काही ठिकाणी बरा अभिनय केलाय पहिलाच चित्रपट असल्यामुळे दोघे जरा अवघडलेली वाटली. खरी मज्जा आणलीये ती लहानपणीचे तन्वी आणि अन्या म्हणजेच निर्मोही आणि हृदितने. अत्यंत समजून आणि जीव ओतून केलेला त्यांच्या अभिनय चित्रपटाला वेगळ्या उंचीवर घेऊन जातो. सुकन्या कुलकर्णी, संजय मोने, तुषार दळवी, अनुराधा राजाध्यक्ष यांचा अभिनय बऱ्यापैकी वेगळा आहे. चित्रपटांची गाणी सुरेख आहेत तसेच दिग्दर्शन उत्तम झालंय.हा चित्रपट बघताना मनात दडून राहिलेल्या प्रश्नांना उत्तर नक्की मिळेल. प्रेमाचा एक वेगळा चित्रपट अनुभवायचा असेल तर हा चित्रपट नक्की बघा.




majja.ooo : Ankita Lokhande.  

दादा कोंडके एक अष्टपैलू कलाकार...

                                मराठी चित्रपटसृष्टीला खदखदून हसवणारे अष्टपैलू अभिनेते म्हणजे दादा कोंडके.  दादा कोंडके यांचे खरे नाव म्हणजे कृष्णा कोंडके. मराठमोळे अभिनेते ज्यांनी मराठी चित्रपटांतून अभिनय केला आणि ते महाराष्ट्रातील घराघरात पोहोचले. दादांचा जन्म ८ ऑगस्ट १९३२ झाला. आपण काहीतरी वेगळं करावं असं त्यांना प्रत्येक वेळेस वाटत असायचं म्हणून त्यांनी एका बँड पथकामध्ये सहभाग घेतला आणि तिथे सगळे सगळे त्यांना बँडवाले दादा म्ह्णून ओळखायला लागले. माझ्यावर एकतरी नाटक करा असं ते प्रत्येकवेळी म्हणायचे तेव्हाच वसंत सबनीसांनी दादांना घेऊन विच्छा माझी पुरी करा हे नाटक केलं. या नाटकाचे १५०० हुन अधिक झाले आणि हाच दादांच्या आयुष्यातील टर्निंग पॉईंट ठरला. दादा अभिनेता म्हणून प्रसिद्ध झाले. त्यांनी राज्यभर दौरे केले लोकांची बदलत जाणारी भाषा तसेच भाषांचे प्रकार ह्याचा त्यांनी अभ्यास केला आणि चित्रपट निर्मिती चा विडा उचलला. त्यांच्या सवांदफेकीमुळे त्यांच्या सर्व भूमिका महाराष्ट्रात लोकप्रिय झाल्या आणि पडत्या काळात मराठी चित्रपटसृष्टीला चांगले दिवस आले.
                    त्यांची संवादफेक म्हणजे बंदुकीतून सुटणाऱ्या गोळ्या. लोकांना त्यांची हि कला बऱ्यापैकी पटली. त्यांच्या नेमक्या ठिकाणी पॉंझ घेण्याच्या स्टाईल ने लोकांना वेड लावून सोडले. तांबडी माती या चित्रपटात त्यांना प्रथमच मोठ्या पडद्यावर काम करायला मिळाले. त्यांचा गाजलेला चित्रपट म्हणजे सोंगाड्या. सोंगाड्या चित्रपटात काम करून त्यांनी त्यांच्या अभिनयाचे कौशल्य जगभरात दाखून दिले. सुरवातीला सोंगाड्या ह्या चित्रपटाला बरेच विरोध आले नंतर शिवसेनाप्रमुख बाळासाहेब ठाकरे ह्यांच्या आदेशावरून हा चित्रपट प्रदर्शित करण्यात आला आणि तो सुपरहिट झाला. दादांनी नंतर स्वतःची निर्मिती संस्था सुरु केली ती म्हणजे कामाक्षी पिक्चर्स. दादांच्या चित्रपटांना नेहमीच सेन्सर च्या अनेक अडचणींना सामोरे जावे लागत असत. त्यामुळे त्यांची नेहमी वाद्ग्रस्थ विषयांमध्ये चर्चा असायची त्यांचे बरेच चित्रपट सेन्सर बोर्ड ने अडवले.

                        त्यांचे सलग ९ चित्रपट २५ आठवडे सुपरहिट ठरले आणि सिल्वर जुबली झालेल्या या सर्व चित्रपटांमुळे मराठमोळ्या दादांचं नाव गिनीज बुक मध्ये नोंदवण्यात आलं. दुअर्थी विनोदाकडे झुकणाऱ्या संवादामुळे त्यांच्या चित्रपटांना प्रसिद्धी मिळाली. काही लोकांना त्यांचे हे विनोद पटण्यासारखे नव्हते परंतु बाकी प्रेक्षकांनी त्यांना डोक्यावर उचलून धरलं. त्यांनी हिंदी चित्रपट सृष्टीत देखील काम केलं त्या चित्रपटांची नावं जरा हटके असायची तेरे मेरे बीच मे,अंधेरी रात मी दिया तेरे हाथ मे,आगे कि सोच,खोल दे मेरी जुबान यांसारखे चित्रपट दर्जेदार ठरले. त्यांनी पांडू हवालदार या त्यांच्या चित्रपटाचं त्यांनी हिंदी मध्ये रूपांतर करून गुजराती मध्ये नंदू जमादार हा चित्रपट प्रसिद्ध केला. दादा कोंडके हे एक अष्टपैलू व्यक्तिमत्व होते त्यांनी                                 अभिनेता,निर्माता,गायक,गीतकार,कथाकार,पटकथाकार,दिग्दर्शक,आणि संगीतकार अशा अनेक भूमिकांमधून प्रवास केला.
                           अखेर १४ मार्च १९९८ रोजी हृदयविकाराच्या झटक्याने दादांची प्राणज्योत मावळली. प्रेक्षकांना हसवून सोडणाऱ्या मराठी चित्रपटांचं नावं  अजरामर करणाऱ्या आणि दोन दशक अधिपत्य गाजवलेल्या या मराठमोळ्या अभिनेत्याला majja.ooo चा मनाचा मुजरा.





majja.ooo : Ankita Lokhande.

मकरंद अनासपुरे पुन्हा एकदा रंगमंचावर....

                       महाराष्ट्रातील शेतकऱ्यांसाठी निस्वार्थी हेतूने काम करणाऱ्या आणि अभिनय क्षेत्रात यशाच्या शिखरावर पोहोचलेला अभिनेता म्हणजेच मकरंद अनासपुरे. "नाम" या संस्थेच्या माध्यमातून समाजकार्यात रमलेले मकरंद अनासपुरे हे लवकरच रंगमंचावर झळकणार आहेत. सुयोग संस्थेच्या माध्यमातून ते नाटकात काम करणार आहे. मकरंद अनासपुरे हे बरेच महिने रंगमंचापासून लांब आहेत त्यांचं रंगमंचावर पुन्हा एकदा पदार्पण हि त्यांच्या चाहत्यांसाठी एक खास भेट असणार आहे. सुधीर भट यांच्या सुयोग्य या संस्थेचा १ जानेवारी रोजी ३२ वा वर्धापन होता या नवीन वर्षात सुयोग्य ५ नवीन नाटकं घेऊन येणार असून त्यापैकी एका नाटकामध्ये  मकरंद अनासपुरे आपल्याला पाहायला मिळणार आहे. नेपथ्यकार प्रदीप मुळे दिग्दर्शक म्हणून प्रथमच नाटकातून पुढे येणार आहेत. त्याचसोबत ते नेपथ्य,प्रकाश,आणि वेषभूषाही सांभाळणार आहेत.

               
                          सामाजिक विनोदी असलेलं हे नाटक मार्च महिन्यात रंगमंचावर येणार आहे.





majja.ooo : Ankita Lokhande.

राजन चित्रपटात झळकणार दुर्गा पाटील हिचा चेहरा...

                  छोटा राजन याच्या जीवनावर आधारित मराठी चित्रपट 'राजन' हा प्रेक्षकांच्या भेटीस येतोय. या चित्रपटात महाराष्ट्राचा लाडका अभिनेता संतोष जुवेकर राजनच्या भूमिकेत दिसणार आहे. संतोष सोबत एक नवीन चेहरा आपल्याला दिसणार आहे तो म्हणजे दुर्गा पाटील हिचा. अवघ्या १९ वर्षात एवढ्या मोठ्या चित्रपटात काम करण्याची संधी भेटणं हि दुर्गासाठी खूप मोठी गोष्ट आहे असं ती म्हणते. चौदावीमध्ये शिकत असलेल्या दुर्गाला रग्बी खेळ खेळायची आवड आहे. भारतामध्ये रग्बीला पाहिजे तेवढं महत्त्व दिले जात नसून दुर्गा रग्बी नॅशनल प्लेअर आहे. तसेच तिने मार्शल आर्टस् मध्ये सुवर्ण पदक पटकावलं आहे.

                    रंगमंचाची भीती दुर्गा मध्ये कधीच नव्हती. लहानपणापासून दुर्गाला नृत्याची प्रचंड आवड आहे ती इंटरनॅशनल डान्स अकॅडमी मध्ये डान्स इंस्ट्रक्टर सुद्धा होती. राजन चित्रपटातील राणी या भूमिकेसाठी जेव्हा तिची निवड झाली तेव्हा २३० मुली होल्डवर होत्या या सर्वांमधून जेव्हा दुर्गाची ची निवड झाली ती फक्त तिच्यातील अभिनयाच्या आवडीमुळे आणि रंगमंचावरील प्रेमामुळे. जेव्हा दुर्गाची निवड झाली तेव्हा तिच्या देहबोली आणि भाषाशैली वर विशेष मेहनत घेण्यात आली चित्रपटातील राणी या भूमिकेसाठी दिग्दर्शक भरत सुनंदा यांना कठोर,प्रेमळ आणि नाजूक अशी मुलगी हवी होती खेळाडूवृत्ती असलेल्या दुर्गाला ह्या भूमिकेसाठी तयार करताना ६ महिन्यांचा कालावधी गेला. पहिल्यांदाच संतोष जुवेकर सोबत काम करण्याच्या अनुभव वेगळाच होता असं ती म्हणते. तिने खेळामध्ये खूप काही केलं असून आता तिला फक्त अभिनयाकडे लक्ष केंद्रित करायचं आहे. या सर्व प्रवासात तिचे बाबा आणि चित्रपटाचे दिग्दर्शक यांनी तिला महत्वाची साथ दिली. 'या चित्रपटामुळे माझ्यात खूप बदल झालाय.माझी देहबोली बदलली आहे आणि हा बदल मला आवडतोय,मला अभिनयात अजून रस आलाय ' असं दुर्गा म्हणते.
                   ध्येय पूर्ण करण्याची  जिद्द माणसाला कधीतरी चुकीच्या मार्गावर घेऊन जाते आणि आयुष्यात कशा प्रकारचे बदल होतात असे काहीसे कथानक या चित्रपटाचे असणार आहे. चित्रपटाचे निर्माते हेमंत पाटील   असून सह-निर्माते दीप्ती श्रीपत आहेत.दिग्दर्शक भरत सुनंदा यांनी या चित्रपटाचे दिग्दर्शन केले आहे. रिधम मुव्ही प्रेजेंटसोबत मुदिता फिल्म्स प्रस्तुत राजन हा चित्रपट लवकरच आपल्या भेटीला येणार आहे.






majja.ooo : Ankita Lokhande.

महाराष्ट्राला दुष्काळ मुक्त बनवण्यासाठी मराठी कलाकारांचे योगदान...

                      महाराष्ट्राला दुष्काळ मुक्त बनवण्यासाठी अनेकांनी प्रयत्न केले. त्यात अमीर खाननेही हातभार लावलाय दुष्काळ मुक्त महाराष्ट्रासाठी अमीर खान आणि किरण राव यांनी ' पानी फाऊंडेशन ' हि संस्था सुरु केली.सत्यमेव जयते या संस्थेच्या काही महत्वाच्या मंडळींनी या उपक्रमात मोलाची साथ दिली. या संस्थे अंतर्गत अनेक मराठी कलाकारांनी देखील योगदान दिले आहे. सई ताम्हणकर,सुनील बर्वे, नागराज मंजुळे, अजय -अतुल,रिंकू राजगुरू,आकाश ठोसर,तानाजी गलगुंडे,अरबाज शेख,फातिमा सना खान,सोनाली कुलकर्णी, जितेंद्र जोशी आणि अमीर खान हे सगळे स्टार आपल्याला एका गाण्यातून दुष्काळ मुक्त महाराष्ट्राचा सल्ला देत आहेत. अजय अतुल रचित आणि गुरु ठाकूर लिखित 'तुफान आलं' हे गाणं नागराज मंजुळे यांनी दिग्दर्शित केलं असून अजय गोगावले यांच्या आवाजातून हे गाणं सजलेलं आहे.विशेष बाब म्हणजे यात किरण राव हिने पहिल्यांदा गाणं गायले आहे.

 महाराष्ट्रातील एकंदर परिस्थितीवर भाष्य करणार हे गाणं आहे. महाराष्ट्रातील सत्य परिस्थिती नागराज मंजुळे यांनी आपल्या दिग्दर्शनातून दाखवून दिली.  'तुफान आलं' हे गाणं सध्या youtube वर उबलब्ध आहे. या महत्वपूर्ण कामासाठी दंगल,सैराट टीम तसेच इतर कलाकारांना majja.ooo तर्फे शुभेच्छा.








majja.ooo : Ankita Lokhande.

प्राजक्ता माळी पुन्हा एकदा छोट्या पडद्यावर...

                   यावर्षी झी मराठी प्रेक्षकांसाठी दोन नवीन मालिका घेऊन येत आहे एक तर 'चूक भूल द्यावी घ्यावी'हि मालिका आपल्याला माहीतच आहे आता दुसरी अजून एक मालिका येतेय ती म्हणजे 'नकटीच्या लग्नाला यायचं हं' ... या मालिकेचं नाव हटके तर आहेसच परंतु याचं कथानक देखील वेगळं आहे. झी मराठी प्रत्येकवेळी असंच नवीन काहीतरी घेऊन प्रेक्षकांपर्यंत येते आणि रसिक प्रेक्षकांच्या मनावर राज्य करते.

                     जुळून येति रेशीमगाठी या मालिकेतून नावारूपाला आलेली प्राजक्ता माळी नवीन मालिकेत प्रमुख भूमिकेत दिसणार आहे. तसेच  ओळखीचे चेरे देखील आपल्याला या मालिकेत पाहायला मिळणार आहे..... 

झी मराठी कडून नवीन वर्षाची भेट म्हणून हि मालिका ‘नकटीच्या लग्नाला यायचं हं...’ १८ जानेवारीपासून बुध-शनि रात्री १० वाजता बघायला विसरू नका.

majja.ooo : Ankita Lokhande.

प्रतिभावंत अभिनेत्री मुक्ता बर्वे...

                 आपल्या अभिनयाच्या जोरावर रसिक मनांच्या मनावर राज्य करणारी अभिनेत्री म्हणजे मुक्ता बर्वे. तिच्या बऱ्याच भूमिका प्रेक्षकांच्या लक्षात राहतात. तिच्या प्रत्येक भूमिकेत काहीतरी नावीन्य असतेच.कामाच्या संख्येपेक्षा कामाच्या दर्ज्याला ती अधिक महत्व देते.जोगवा,धोबी पछाड,मुबई पुणे मुंबई,डबल सीट,गणवेश यांसारखे दर्जेदार चित्रपट देऊन ती प्रेक्षकांच्या पसंतीस उतरली. तसेच एका लग्नाची दुसरी गोष्ट या छोट्या पडद्यावरील मालिकेने प्रेक्षकांना वेड लावून सोडले. अभिनयाशिवाय मुक्ताला वाचायला खूप आवडते. तसेच तिचे मांजरीवर खूप प्रेम असून #cocojeeva आणि  #smokeyjodha अशी तिच्या मांजरीची नावं आहेत.

तसेच मुक्ताला फोटोज क्लिक करायला खूप आवडतात. ती जिथे जाईल तिथल्या आठवणी तिला कॅमेरा मध्ये सेव करायची प्रचंड आवड आहे. तिच्या इंस्टाग्राम अकाउंट वर तिने काढलेल्या सुंदर फोटोसची गॅलरी पाहायला मिळते.

शिवाय ती स्केचिंग हि उत्तम करते. तिच्या अकाउंटवर तिने काढलेली चित्र हि पाहायला मिळतात.

        अभिनयासोबत इतर गोष्टींची आवड जपणाऱ्या प्रतिभासंप्पन मुक्ता ला खूप शुभेच्छा.








majja.ooo : Ankita Lokhande. 

मराठी चित्रपटसृष्टीमध्ये पहिल्यांदा अंडर वॉटर गाण्याचं शूटिंग....

                             मराठी चित्रपटसृष्टीने वेगवेगळ्या प्रकारचे प्रयोग करून येत्या काळात मराठी चित्रपटांना एक कमालीची उंची दिली आहे. कथानक असो किंव्हा स्टारकास्ट या सर्व बाबतीत वेगळेपण पाहायला मिळतं. त्यामुळे मराठी प्रेक्षक आता प्रत्येक चित्रपटाकडे एका वेगळ्या आशेने बघतो. 'प्रेमाय नमः' हा नवीन मराठी चित्रपट प्रेक्षकांच्या भेटीस येतोय. प्रेमावर आधारित हा चित्रपट आपल्याला १० फेब्रुवारी २०१७ ला आपल्या जवळच्या चित्रपट गृहात पाहायला मिळणार आहे. या चित्रपटाचे वैशिष्ट्य म्हणजे या चित्रपटातील एका गाण्याचे शूटिंग हे  अंडर वॉटर करण्यात आले आहे. एक पूर्ण गाणं अंडर वॉटर करण्याचं धाडस या चित्रपटाच्या दिग्दर्शकाने उचललं आहे. विशेष म्हणजे मराठी मध्ये पहिल्यांदा असा प्रयोग करण्यात आला असून  हा नक्कीच प्रेक्षकांच्या पसंतीस उतरेल यात काही शंका नाही.
  

  व्हाईट ओनियन एंटरटेनमेंट प्रस्तुत जगदीश वठारकर दिग्दर्शित 'प्रेमाय नमः' हा चित्रपट नक्कीच मराठी चित्रपटसृष्टीमध्ये काहीतरी नावीन्य आणेल. 







majja.ooo : Ankita Lokhande.